Te kōrero ki ā mātou kaitūhura
Ina whakapā mai koe, ka kōrero koe ki tētahi o ā mātou kaitūhura. He tangata tēnei ka whakarongo ki ō amuamu.
Ka kōrero atu mātou ki a koe mā te āhuatanga e hiahia ana koe – mā runga waea, mā te kōrerorero ataata, kanohi ki te kanohi, mā te īmēra rānei.
Ka whakarongo te kaitūhura ki a koe. Māna anō e kī atu mēnā ka taea e te Kaitiaki Mana Tangata te āwhina.
Ka taea pea e te kaitūhura te āwhina ki te whakatika i te mea e māharahara nei koe.
Ina kōrero koe ki tētahi kaitūhura, ka whakamāramahia ngā āhuatanga katoa ki a koe kia mārama ai he pēhea te mahi. Ka taea e koe te tuku ngā momo pātai katoa.
Tā mātou tukanga amuamu
Kei te haumaru koe? Waea koreutu ki 0508 326 459, ki ngā Pirihimana rānei i 111
Kei te māharahara koe mō tētahi mahi a Oranga Tamariki, a tētahi o ana kaimahi rānei?
Waea mai ki 0800 184 184, īmēra rānei ki [email protected]
Ka whakarongo mātou, me te kōrero ki a koe mō te āhua o tā mātou āwhina
Ka āwhina mātou, ka kimihia rānei te hunga ka taea te āwhina
Mēnā ka taea e mātou te āwhina kia tere te whakatika i tō māharahara, ka whakatutukihia. Engari i ētahi wā me tūhura tētahi amuamu – ka āta tirotiro mātou ki tō amuamu ki te rapu i aha, ā, me pēhea te whakatika i te raruraru.
Anei he mōhiohio mō te āhua o te tūhura:
Ka aha mēnā ka tūhuratia e te Kaitiaki Mana Tangata?
Mēnā kāore e taea e te Kaitiaki Mana Tangata te āwhina, ka kimihia he āwhina anō māu.
Kōrerohia tō kōrero
Kei te hiahia koe ki te kōrero mō ō māharahara? Whakapā mai ki a mātou.
Mō ngā mōhiohio mō ngā kaitūhura (te hunga ka āwhina i a koe), me haere ki tēnei whārangi:
Kei te māharahara
koe mō tō haumaru,
te haumaru rānei
o tētahi atu?
Waea koreutu:
Oranga Tamariki i 0508 326 459
Ngā Pirihimana i 111
Kāore e taea te whakapā mai ki a mātou mā te pāpāho pāpori.