Ka aha mēnā ka tūhuratia
e te Kaitiaki Mana Tangata?

Ka whakapā atu mātou ki a koe ki te kī atu ka tirotirohia tō amuamu. He 'tūhuratanga' tēnei. Mā te Kaitiaki Mana Tangata tēnei mahi.

I tēnei wā, ka kohikohi mōhiohio mātou mai i ngā wāhi maha rerekē. Ka whakamōhiotia haeretia koe e mātou e pēhea ana te haere.

I ētahi wā, ka taea e mātou te whakatika tō raruraru. Mēnā ka pērā, ka kōrero atu te kaitūhura ki a koe, ā, mēnā kei te pai ki a koe, ka mutu te tūhuratanga. 

Mēnā kāore e taea e te Kaitiaki Mana Tangata te āwhina, ka kimihia he āwhina anō māu. 
 

Ka tirohia e mātou ngā mōhiohio ka kitea, ā, ka whakamahia hei whakatakoto whakaaro i aha.

Ka tukuna ngā kōrero ka kitea ki a koe. Ka whai wāhi koe ki te pānui i ngā kitenga. Ka taea e mātou te kōrero ki a koe mō ērā. Mēnā ka hiahia koe, ka haere atu mātou ki a koe ki te kōrero mō ērā.

Ka tukuna anō e mātou ngā kōrero ki a Oranga Tamariki, ki ana kaimahi rānei kia rongo ai mātou i ō rātou whakaaro.

Ka puta ko ngā mea i kitea me ngā whakaaro me pēhea te whakatika i te raruraru. Ka kīia ko 'Ngā Rongoa' me 'Ngā Tūtohutanga' ēnei.

I konei ka mutu te tūhuratanga.