Nō ngā ahurea rerekē ā mātou kaitūhura. He tāngata pūmahara, he ngākau atawhai rātou. He ngāwari noa ki te kōrero ki a rātou. Ka āwhina mātou i a koe ki te kimi tautoko mēnā he uaua ki a koe te kōrero mō ngā mea i pā ki a koe.
Ka whai ā mātou kaitūhura i ēnei uara e toru ina kōrero ki a koe.
Manaakitanga
He mea nui ki a mātou tō mana. Ka whakarongo mātou me te whakarite kei te mārama mātou ki ō māharahara. Ka noho tapu ō kōrero ki a mātou. Ka whakapau kaha mātou ki te āwhina i a koe.
Whanaungatanga
Ka mātua whakarite mātou ka tautokona koe me te hunga e tautoko ana i a koe ina kōrero koe ki te Kaitiaki Mana Tangata. Arā, ka tautoko mātou i a koutou ko tō whānau me te hunga e manaaki ana i a koe. Mēnā he Māori koe, ko tō hapū me tō iwi pea tērā.
Matatika
Me mātua tōkeke ā mātou kaitūhura ina whakahaerehia he tūhuratanga. Arā, tē taea e mātou te hinga ki tētahi taha. Ka whakaaronui, ka tautoko mātou i a koe. Ko te inoi ki a koe kia pērā anō tō whakaaronui ki a mātou.
Kāore he utu ki te kōrero ki Te Kaitiaki Mana Tangata, ā, kāore koe e raru.
Kia maumahara, ka noho tapu katoa ō kōrero mai ki a mātou. Ka kōrerohia anake e mātou tētahi mea mēnā:
- ka āwhina ki te whakatika i tō raruraru
- ka aukati rānei i te whakamamae i tētahi tamaiti, taiohi rānei – me koe hoki.
Kōrerohia tō kōrero
Kei te hiahia koe ki te kōrero? Whakapā mai ki a mātou.
Kei te māharahara
koe mō tō haumaru,
te haumaru rānei
o tētahi atu?
Waea koreutu:
Oranga Tamariki i 0508 326 459
Ngā Pirihimana i 111
Kāore e taea te whakapā mai ki a mātou mā te pāpāho pāpori.